വിളിക്കാതെ വരുന്ന അതിഥി

മരണമെൻ പടിവാതിലിലെത്തിക്കഴിഞ്ഞു.
ഇച്ഛായില്ലൊട്ടുമേ സ്വീകരിച്ചിടാൻ. ക്ഷണിക്കാതെയെത്തിയ അതിഥിയെങ്കിലും
മടക്കിയയ്ക്കാനാകുമോ..
ജീവിച്ചു കൊതി തീർന്നില്ലയെങ്കിലും,
മോഹവുമോർമയും മുഷ്ടിക്കുള്ളിലാക്കി പോകുകയാണു ഞാൻ .
സ്വർഗമായിരുന്നെനിക്കീ  ഭൂമി . അറിയില്ല പരലോകമെന്ത് 

നൽകും പകരമെന്ന് .
സ്നേഹിച്ചു കൊതി തീർന്നില്ലെനിക്ക്.
ശണ്ഠ കൂടി നോവുകളേറെ നൽകി, പോവുകയാണ് ഞാനെന്നറിയാം. ഇതിലേറെ നിന്നുള്ളം തേങ്ങാതിരിക്കാനാണിതെന്ന് അറിഞ്ഞിടും നീ ഒരുനാൾ .