അപ്സരസ്സ്

മനസ്സ്..... നിൻ സ്‌മൃതിയുടെ തപസ്സ്... 

ഉഷസ്സ്.... പൊൻ അരുവിയുടെ കൊലുസ്സ്... 

തമസ്സ്.... വെണ്ണിലാവിന്റെ  ഛന്ദസ്സ്...

തേജസ്സ്... എൻ അപ്സരസ്സിൻ ശ്രേയസ്സ്... 

തനിയെ

ഏകാന്ത രാവിന്റെ ചന്ദ്രികയോ 

തീരാത്ത രാവിന്റെ മന്ത്രമിതോ 

തേടുന്നു കാടിന്റെ ചന്തങ്ങളും 

കുഴലൂതും പാട്ടിന്റെ ഈണങ്ങളും 

കറുകപ്പുൽ വയലിന്റെ തീരങ്ങളിൽ 

സാരഘം നുണഞ്ഞു നിന്നിടുമ്പോൾ 

വിളിക്കാതെ വന്നൊരു മാരുതൻ 

മെല്ലെ കാതിൽ വന്നു മൂളിടുന്നു 

അതിഥിയായി എത്തിയ മാരിയിൻ 

വാർത്ത കേട്ടു മെല്ലെ തിരിയവേ 

നെറുകയിൽ ചുംബനമെന്നോണം 

ആദ്യതുള്ളി പതിച്ചിരുന്നു.......

നിറനിലാവിന്റെ ചിമിഴിലേറി 

താരറാണിതൻ ചിറകുമായ് 

നിമിഷ സാഗരത്തിൻ ഓളങ്ങളിൽ 

ഇടറാതെ വന്നൊരു തെന്നൽ നീ...